Policia australiane ka nisur hetimet pasi trupi i një zhytësi është gjetur afër pakove të kokainës në vlerë rreth 14 milionë dollarë, raportoi BBC të martën.
Burri i veshur me veshjen e zhytjes u gjet i vdekur në New South Wales dhe u identifikua si shtetas i huaj.
Pakot me rreth 50 kg kokainë u zbuluan pranë trupit të tij.
“Po përpiqemi të zbulojmë nëse dy incidentet kanë lidhje mes vete. Ato mund të jenë por jemi mendjehapur ndaj opsioneve para nesh”, ka thënë hetuesi i policisë së New South Wales, Robert Critchlow.
Dy anije të vogla u gjetën afër skenës së krimit. Policia tha se më shumë persona janë të përfshirë, duke nënkuptuar se zhytësi dukej se ishte lënë të vdiste.
