Mbretëria e Bashkuar do të dërgojë mjete të blinduara kundërajrore në Ukrainë, për të ndihmuar forcat e Kievit në mes të tensioneve të shtuara në lindje të vendit.
Automjetet Stormer janë të afta të lëshojnë raketa anti-ajrore Starstreak, të cilat mund të përdoren për të shënjestruar aeroplanë dhe helikopterë, raportoi Sky News të martën.
Kryeministri i Britanisë, Boris Johnson, pritet të bisedojë me aleatët, përfshirë presidentin amerikan Joe Biden, të martën për të diskutuar mbështetjen perëndimore për Ukrainën, pasi Rusia rriti përpjekjet për të pushtuar rajonin e Donbasit.
Sekretari i Irlandës së Veriut, Brandon Lewis, tha se do të dërgojë armë të tjera mbrojtëse në Ukrainë.
"Ne po shohim një shtytje të mëtejshme, me sa duket, nga regjimi i Putinit, kështu që ne do të vazhdojmë të bëjmë gjithçka që mundemi për të mbështetur Ukrainën”, ka thënë ai për BBC.
