Shifrat tregojnë se 4.8 milionë fëmijë janë larguar ose zhvendosur diku në Ukrainë, që kur forcat ruse nisën agresionin në këtë vend, ka bërë të ditur agjencia e OKB-së për fëmijë.
Drejtori i programeve emergjente të UNICEF-it, Manuel Fontaine, ka thënë se numri i fëmijëve që kanë ikur nga vendi është i pabesueshëm.
“Ata janë detyruar të lënë gjithçka pas, shtëpitë, shkollat e tyre dhe, shpesh edhe anëtarët e familjeve të tyre”, ka thënë ai në Këshillin e Sigurimit të OKB-së.
Shifrat vijnë pasi ambasadori i Ukrainës në OKB, Sergiy Kyslytsya, pretendoi se Rusia ka marrë më shumë se 121.000 fëmijë nga Ukraina dhe thuhet se ka hartuar një projekt-ligj për të thjeshtuar dhe përshpejtuar procedurat e birësimit për jetimët, madje edhe për ata që kanë prindër dhe të afërm të tjerë.
Shumica e fëmijëve u larguan nga qyteti port i rrethuar jugor i Mariupolit dhe u dërguan në Donetskun Lindor dhe më pas në qytetin rus të Taganrog, sipas Kyslytsyas.
-
12 prill 2022 08:01
-
Shpërndaje në: