Koreja Jugore po kujdeset që refugjatët afganë të ambientohen në vend

Refugjatët afganë në Korenë Jugore janë shfaqur në publik për herë të parë të mërkurën, prej kur kishin arritur në vend në fund të gushtit. Pas mbërritjes ata kishin qëndruar në një ndërtesë të qeverisë në Jincheon, përafërsisht dy orë larg kryeqytetit.

Pas 14 ditësh izolimi, refugjatët kanë filluar të trajnohen për t’u integruar në shoqëri. Në një konferencë për shtyp të Ministrisë së Drejtësisë, janë parë refugjatët duke luajtur futboll dhe duke ecur përreth, kurse fëmijët po merrnin pjesë në disa ushtrime të Taekwondos.