Botë

Përkrahësit e rrenave të Trumpit synojnë t’i kontrollojnë zgjedhjet e ardhshme

Kandidati që synon të bëhet zyrtari kryesor i zgjedhjeve në Georgia të SHBA-së, republikani Jody Hice, është njëri prej kongresistëve që kishte votuar për ta zmbrapsur fitoren presidenciale të Joe Bidenit më 2020, pak orë pas trazirave të 6 janarit në ndërtesën e Kongresit në Washington.

 

Të tre kandidatët kryesorë për drejtimin e zyrave zgjedhore në pesë shtete amerikane, sipas një raporti ekskluziv të agjencisë së lajmeve Reuters, janë pjesë e një grupi të gjerë republikanësh që kishin përqafuar pretendimet e pavërteta të ish-presidentit Donald Trump, se fitorja zgjedhore e 2020-s i ishte vjedhur. “Kandidimet e tyre kanë alarmuar demokratët dhe grupet e së drejtës për votë, të cilët druajnë se politikanët që u munduan më së tepërmi për ta minuar besimin e amerikanëve në zgjedhje mund së shpejti të jenë personat që do t’i udhëheqin ato në votimet e ardhshme”, ka shkruar Reuters

Kandidati që synon të bëhet zyrtari kryesor i zgjedhjeve në Georgia të SHBA-së, republikani Jody Hice, është njëri prej kongresistëve që kishte votuar për ta zmbrapsur fitoren presidenciale të Joe Bidenit më 2020, pak orë pas trazirave të 6 janarit në ndërtesën e Kongresit në Washington.

Më herët, gjatë asaj dite, Hice kishte shkruar në mediat sociale: “Ky është momenti ynë i 1776-s”, duke iu referuar revolucionit amerikan.