Dy ushtarë turk janë vrarë e dy të tjerë janë plagosur si pasojë e një sulmi që ka ndodhur në Sirinë veriore, ka bërë të ditur të dielën Ministria turke e Mbrojtjes.
Sipas Ministrisë, vetura ushtarake e Turqisë ishte sulmuar në një rajon në mes të kufirit turk dhe Aleppos veriore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoObservatori sirian për të Drejtat e Njeriut me bazë në Britani tha se dhjetëra raketa turke u qëlluan në Aleppon veriore, mirëpo nuk pati të lëndimeve. Turqia, megjithatë, tha se shtatë luftëtarë ishin "neutralizuar".
Në njoftimin e Ministrisë turke të Mbrojtjes nuk është bërë e ditur se kush ka sulmuar ndonëse sulmuesit u quajtën “terroristë”.
Turqia ka qenë duke luftuar milicinë kurde siriane “Njësinë e Mbrojtjes së Popullit”, ose YPG. Turqia i konsideron ato si një zgjatim të një grupi kurd i cili ka zhvilluar një kryengritje dekada të gjatë brenda Turqisë.
Turqia nisi operacionin e saj të parë ndërkufitar në Siri në verën e vitit 2016 me synimin për të pastruar grupin e Shtetit Islamik pas disa bombardimeve vdekjeprurëse në Turqi. Operacioni u quajt Mburoja e Eufratit. Turqia kreu tre operacione të tjera në veri të Sirisë, shumica e tyre për të luftuar YPG-në.