Shtetet e Bashkuara kanë lehtësuar masat e udhëtimit teksa po vazhdon procesi i vaksinimit.
Agjencia e shëndetit publik ka marrë vendim për lehtësimin e masave ndaj 61 shteteve.
Vende si Franca, Spanja dhe Italia, tani janë në nivelin e tretë të lirimit të masave.
Kjo do të thotë se udhëtarët nga këto vende mund të udhëtojnë drejt SHBA-së, nëse janë të vaksinuar plotësisht.
Mirëpo në këtë listë nuk është përfshirë Britania e Madhe që po përballet me përhapjen e variantit të koronavirusit që u zbulua në Indi.
Udhëtarët nga Britania duhet të izolohen për dhjetë ditë pas arritjes në SHBA.
Qendra amerikane për parandalimin dhe kontrollin e sëmundjeve ka bërë të ditur se lista do të përditësohet në bazë të numrit të rasteve për kokë banori.
-
9 qershor 2021 08:39
-
Shpërndaje në: