Ahmedinejadi mësyn përsëri postin e presidentit në Iran

Ish-presidenti i Iranit, Mahmoud Ahmedinejad i është rikthyer garës për të parin e shtetit në zgjedhjet që do të mbahen në muajin qershor.

I shoqëruar nga një numër përkrahësish, Ahmedinejad është regjistruar si kandidat në Ministrinë e Punëve të Brendshme. Në vitet e fundit, Ahmedinejadi është munduar që figurës së tij kundërthënëse t’i japë një kahe më centriste dhe vazhdimisht ka kritikuar qeverinë për keqmenaxhim.

Mohuesit të Holokaustit i ishte ndaluar gara nga lideri suprem, Ayotollah Khomeini,  gjatë zgjedhjeve të vitit 2017. Sivjet, lideri suprem ka thënë se nuk do të kundërshtojë nominimin e ndonjërit kandidat, ani pse Këshilli Zgjedhor mund të bllokojë kandidaturën e Ahmedinejadit. Në cilindo rast, kthimi i populistit në skenën politike mund t’u japë shtysë kundërshtarëve irakianë që insistojnë për qëndrime më të rrepta ndaj Perëndimit, sidomos ndaj Izraelit dhe Shteteve të Bashkuara të Amerikës.