Organizata Botërore e Shëndetësisë e ka renditur vaksinën anti-COVID “Moderna” për përdorim emergjent, dhe i mbetet në dorë vetë vendeve që ta miratojnë për të dhënë doza.
Ndihmës drejtori i përgjithshëm i OBSH-së, Mariangela Simao, ka thënë se ishte e rëndësishme që të kishte më shumë vaksina në dispozicion për shkak të problemeve të furnizimit me vaksinat e tjera, përfshirë nga India, një burim kryesor i vaksinave për programin global të ndarjes së vaksinave Covax. India ka kufizuar eksportet për shkak të një krize infeksionesh me koronavirus.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoModerna njoftoi këtë javë një plan zgjerimi për rrjetin e saj të prodhimit për të rritur kapacitetin e saj deri në tre miliardë doza në vitin 2022.
Grupi Këshillimor Strategjik i OBSH-së i Ekspertëve për Imunizimin (SAGE) tashmë në janar kishte rekomanduar vaksinën Moderna për personat mbi 18 vjeç.
Organizata shëndetësore me bazë në Gjenevë po shqyrton ende vaksinat anti-COVID nga kompanitë kineze Sinopharm dhe Sinovac pas një rishikimi të zgjeruar, me vendimet që priten në fund të javës tjetër.