Botë

Brezi i humbur i mësimit online

Në njërën nga mësimet online në Madrid me mësuesen Clara Mijares, 8 nga 31 nxënës mungonin. Dy prej tyre nuk ishin parë për ca kohë, ka thënë ajo, duke shtuar se ky është një raport mjaft tipik këto ditë për orët mësimore të saj gjatë karantinës për 12 deri në 16-vjeçarët.

Disa nga ata që kishin qenë në një takim religjioz të shkollës së mesme “El Espinillo” në Madrid, nuk i lëshuan kamerat e tyre fare. Ata nuk nxituan të përgjigjeshin kur ajo pyeti se si ishin ata.

"Mos thuaj vetëm ‘mirë’", iu drejtua ajo një 13-vjeçareje. "Përdorni ndonjë fjalë tjetër".

Në vend të “mirë”, mund të thoni, jam mërzitur, nuk kam dalë nga shtëpia për stërvitje, ose preferoni të qëndroni brenda.

Mungesat

"Sharmi i të qenët në një klasë ka humbur", ka thënë Mijares.

Në muajt e fundit është një skenë e luajtur në shtëpitë në mbarë botën, pasi të dhënat e Kombeve të Bashkuara tregojnë se mbi 1.5 miliardë fëmijë u prekën nga mbyllja e shkollave për të parandaluar përhapjen e pandemisë COVID-19. Nga Shanghai në Kaliforni, studentët janë mbajtur jashtë klasave dhe pjesëmarrja në seancat në internet është zvogëluar.

Përderisa viti shkollor mbaron dhe vendet llogarisin koston e mësimit të humbur, të dhënat e Qeverisë spanjolle tregojnë për një pasojë veçanërisht të dëmshme të izolimit të shkaktuar nga pandemia: Shkëputja e të rinjve gjithnjë e më shumë, veçanërisht atyre me të ardhura të ulëta, siç janë fëmijët e atyre që kujdesen për të prekurit.

Spanja ka pasur më shumë se 260,000 raste me koronavirus, sipas një raporti nga Reuters, ky është numri i dytë më i lartë në Evropë pas Mbretërisë së Bashkuar. Por ndryshe nga vendet e tjera përfshirë Britaninë, në Spanjë të gjitha shkollat ​​u mbyllën gjatë izolimit. Nuk kishte as edhe një shërbim të vetëm për fëmijët.

Që nga muaji mars, të gjitha qendrat arsimore, përfshirë ato fillore, të mesme dhe universitetet janë mbyllur, duke lënë 9.5 milion studentë të mësojnë nga shtëpia. Shumica e shkollave nuk do të hapen për të gjithë nxënësit derisa të fillojë viti i ri akademik në shtator.