Botë

Merkeli dhe BE-ja, ngujuar midis Kinës dhe SHBA-së

Merkeli dhe BE-ja, ngujuar midis Kinës dhe SHBA-së
 

Ajo do që samiti të mbahet pa marrë parasysh të gjitha. Të mërkurën e shkuar, kancelarja gjermane, Angela Merkel, mbajti një videokonferencë me liderët e grupeve politike të Parlamentit Evropian për ta diskutuar presidencën e ardhshme të Gjermanisë në Këshillin Evropian, që do të nisë në korrik.

Për gjashtë muaj, Berlini do ta përcaktojë një agjendë për Bashkimin Evropian, e kaherë është bërë e qartë se Merkeli e sheh Kinën si prioritetin kryesor të politikave të Jashtme. Ç’është e vërteta, ajo ka planifikuar një samit të madh në Leipzig nga 13-15 shtatori, në të cilin do të marrin pjesë shefat e shteteve dhe qeverive të BE-së, bashkë me presidentin kinez, Xi Jinping, raporton DER Spiegel.