21:57

SpaceX hyn në histori të fluturimit në hapësirë

Pas gati dy dekadash përpjekjeje, kompania e Elon Muskut, Space X, me sukses ka arritur të lansojë dy njerëz në orbitë, duke hyrë në histori të aeronautikës në Shtetet e Bashkuara të Amerikës.

Fluturimi shënon nisjen e parë të një anije kozmike nga Amerika në një dekadë, dhe Space X u bë kompania e parë që dërgoi pasagjerë në orbitë.

Dy astronautët, veteranët e NASA-s, Bob Behnken dhe Doug Hurley – depërtuan në hapësirë përmes anijes së dizajnuar për të dërguar njerëz në Stacionin Ndërkombëtar të Hapësirës.

Anija arriti për 12 minuta të dilte nga orbita. Tani astronautët do të kalojnë ditën në përpjekje për të arritur në Stacionin Hapësinor.

 

 

21:22

NASA e SpaceX nisin fluturimin në hapësirë

NASA dhe SpaceX kanë nisur zyrtarisht misionin drejt Stacionit Hapësinor Ndërkombëtar.

Misioni është i pari në nëntë vjet nga toka amerikane. Lansimi fillimisht ishte planifikuar të ndodhte më 27 maj, por u shty për shkak të motit.

Drejt Stacionit Hapësinor Ndërkombëtar janë nisur astronautët Robert Behnken dhe Douglas Hurley.

Ky është misioni i parë për SpaceX, kompaninë e Elon Muskut. Është hera e parë që një anije kozmike private niset drejt hapësirës.