Shënohet viktima e parë nga koronavirusi në Serbi Foto: Reuters

Shënohet viktima e parë nga koronavirusi në Serbi

20 March 2020 19:46

Një burrë 59-vjeçar ka vdekur si pasojë e koronavirusit në Qendrën Klinike të Vojvodinës, ka bërë të ditur kryeministrja serbe, Ana Bërbaniq.

“Ai e ka marrë virusin nga një person, djali i të cilit ka qenë në Milano”, ka thënë ajo, e cila në emër të Qeverisë dhe shtetit të Serbisë i ka shprehur ngushëllime familjes së viktimës, raporton REL.

Bërnabiq po ashtu bëri të ditur se në Serbi janë regjistruar edhe 32 raste të reja të të infektuarve, duke çuar në 135 numrin total.

Sipas saj, në izolim shtëpiak janë 64 persona ndërsa tetë janë duke u trajtuar me ndihmën e respiratorëve.

“Ekipet tona mjekësore po luftojnë për jetën e atyre tetë pacientëve”, ka thënë Bërnabiq.

Komentet

Shto koment

Të ngjashme