Edhe Franca suspendon shitjen e armëve në Turqi Ushtarë e automjete ushtarake turke në kufirin me Sirinë. Foto: Getty Images

Edhe Franca suspendon shitjen e armëve në Turqi

12 October 2019 23:19

Franca ka thënë të shtunën se ka suspenduar të gjitha shitjet e armëve Turqisë dhe ka paralajmëruar Ankaranë se ofensiva e saj në Sirinë veriore kërcënon sigurinë evropiane.

“Në pritje të përfundimit të kësaj ofensive, Franca ka vendosur të suspendojë të gjitha planet për eksportim të armëve në Turqi që do të mund të përdoreshin në këtë ofensivë. Vendimi hyn menjëherë në fuqi”, ka thënë një deklaratë e përbashkët e ministrisë së Jashtme dhe asaj të mbrojtjes, raporton Reuters.

Më tej u tha se ministrat e Jashtëm të BE-së të hënën në një takim në Luksemburg do të koordinojnë qëndrimin e tyre, transmeton Koha.net.

Vendimi i Francës vjen pas atyre të Holandës, Norvegjisë, Finlandës e Gjermania, që kanë thënë gjithashtu se do të ndalojë shitjen e armëve Turqisë.

Sipas Reutersit, “qeveria gjermane nuk do të lëshojë asnjë licencë të re për të gjitha pajisjet ushtarake që mund të përdoren në Siri”.

Komentet

Shto koment

Të ngjashme