Një urë është shembur në një port në Tajvanin verilindor, duke shtypur disa anije peshkimi, ndërsa ekuipazhi për disa orë mbeti i bllokuar.
Të paktën nëntë persona ranë në ujë dhe shtatë u shpëtuan, bëri të ditur Agjencia Qendrore e Lajmeve e Tajvanit, transmeton KTV. Gjashtë persona u lënduan rëndë, thuhet tutje në njoftim.
Zhytësit po kërkonin për ata që kishin frikë se ishin bllokuar. Shembja e urës shkatërroi tri anije peshkimi dhe dy vetura, përfshirë edhe cisternën që po udhëtonte në urë kur ajo u rrëzua. Ndërsa arsyeja e shembjes në mot të kthjellët ende nuk është bërë e ditur.
