Kryetarja e Dhomës së Përfaqësuesve në SHBA, Nancy Pelosi, ka thënë se presidenti amerikan, Donald Trump, do të hetohet dhe do të nisin procedurat për largimin e tij nga detyra.

Ky hetim, që në anglisht quhet “impeachment”, ka ardhur pas bisedës që Trumpi ka biseduar me presidentin e Ukrainës, të cilit thuhet se i ka kërkuar të hetojë nëse ka pasur ndonjë aktivitet të dyshimtë ndaj pretendentit demokrat për president në SHBA, Joe Biden.

Sipas Pelosit, kjo është “shkelje e përgjegjësive kushtetuese”.

Demokratët do të nisin procedurat për largimin e Trumpit

Kryetarja e Dhomës së Përfaqësuesve, Nancy Pelosi pritet të bëjë publike më vonë sonte, se Partia Demokratike do të nisë procedurat për “impeachment”, ose largimin e presidentit Trump nga detyra.

Lajmin ia kanë konfirmuar burime të shumfishta CNN-it, transmeton KTV. Pelosi do të mbajë një konferëncë shtypi në Washington, në orën 17:00, sipas kohës lokale në SHBA.

Dhjetëra kongresistë amerikanë kanë bërë thirrje për nisjen e procedurave për shkarkimin e Trumpit, pasi ai e pranoi se e ka ftuar Presidentin e Ukrainës të hetojë rivalin e tij politik, Joe Biden.