Të paktën tre persona grabitën një prej argjendarive më të mëdha të Nju Jorkut të dielën, duke mos u shqetësuar aspak për kamerat. Asnjë prej tyre nuk mbante maskë madje njëri drejton shikimin nga kamera dhe vazhdon “punën” sipas planit.
Sipas mediave amerikane, grabitësit u futën fillimisht duke u shtirur si klientë në dyqanin “Avianne and Co.” në Rrugën e Diamanteve, për të nxjerrë më pas pistoletat duke tmerruar katër punonjësit, të cilët më pas i lidhën. Grabitësit mbushën të paktën një çantë me bizhuteri. Ekspozimi ndaj kamerave ka bërë që Policia t’i identifikojë dhe “gjuetia” ndaj tyre ka nisur.
Vlera e bizhuterive të vjedhura nuk është konfirmuar ende, por sipas raportimeve paraprake bëhet fjalë për 4 milionë dollarë. “Avianne and Co.” E konsideron veten si një argjendari e personave të famshëm në Nju Jork, pasi në listën e klientëve të rregullt ka disa prej yjeve të muzikës Pop, si Lil Wayne apo Nicki Minaj/A2CNN.
-
Të veshur me stil, grabitësit vjedhin stoli 15 milionë euroshe në zemër të Parisit
-
Vjedhje brenda argjendarisë “Chanel” në Paris
-
Vriten dy hajdutë në Itali teksa po grabisnin një argjendari
-
Grabitje spektakolare në mes të Londrës, 3 persona “zbrazin” argjendarinë
-
Dy hajdutë incizohen duke vjedhur zinxhir ari në vlerë 750 euro në Prishtinë