Botë

Rusia zotohet për kundërpërgjigje ndaj vendosjes së trupave amerikane në Poloni

 

Ligjvënësit rusë kanë thënë të enjten se vendosja e trupave të reja ushtarake të Shteteve të Bashkuara të Amerikës në Poloni, paralajmëruar nga presidenti Donald Trump, do të hasë në kundërpërgjigje të sertë të Moskës, duke sinjalizuar se veprimi do ta shndërronte Poloninë në një cak konflikti.

Trump i premtoi të mërkurën presidentit polak, Andrzej Duda, se do të vendosë rreth 1 mijë trupa ushtarake në Poloni, në një veprim të cilësuar nga Varshava zyrtare si përpjekje për zmbrapsjen e agresionit potencial prej anës së Rusisë, ka raportuar “Reuters”, transmeton “Koha Ditore”.