Presidenti i SHBA-së, Donald Trump i ka vënë veto rezolutës së Kongresit që synonte ta ndalë përfshirjen amerikane në luftën e udhëhequr prej sauditëve në Jemen, ka bërë të ditur të marten Shtëpia e Bardhë.
“Kjo rezolutë është e panevojshme dhe përpjekje e rrezikshme për dobësimin e kompetencave të mia kushtetuese, duke i vënë në rrezik jetët e qytetarëve amerikane dhe ushtarëve trima, si sot, ashtu edhe në të ardhmen”, ka thënë presidenti amerikan, raporton “Reuters”, transmeton “Koha Ditore”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoRezoluta ishte miratuar në Dhomën e Përfaqësuesve gjatë prillit dhe në Senat gjatë marsit, duke e shënuar herën e parë që të dyja Dhomat e Kongresit e kishin miratuar një rezolutë për Kompetencat e Luftës, që kufizon mundësitë e presidentit për t’i dërguar trupat në fushatë.
Përkrahësit e kësaj mase kanë thënë se fushata saudite e bombardimeve në Jemen e ka përkeqësuar krizën humanitare, duke e kritikuar ashpër Riadin për vrasjen e civilëve.