Lideri i Koresë Veriore, Kim Jong Un, ka arritur në Hanoi të Vietnamit për takimin dyditor që do ta ketë me presidentin amerikan Donald Trump.

Kim që udhëtoi nga kryeqyteti i Koresë së Veriut me tren, arriti në stacionin e qytetit Dong Dang, pasi kaloi kufirin përmes Kinës, transmeton KTV.

Konvoji i tij i famshëm, vonë është parë duke e përcjellë në hotelin Melia në Hanoi. Diktatori korean dhe Trumpi do të takohen më 27 dhe 28 shkurt, tetë muaj pas takimit të tyre historik në Singapor.

Ky ishte takimi i parë i një presidenti amerikan me një lider të Koresë së Veriut.