Ministria afgane e Mbrojtjes ka shkarkuar pothuajse 1,400 zyrtarë për shkak të akuzave për korrupsion, vetëm gjatë vitit të kaluar.
Zëvendësministri i Mbrojtjes, Hilaluddin Hilal u ka thënë sot gazetarëve se Ministria ka ndërmarrë hapa të rëndësishëm në luftimin e korrupsionit, duke shkarkuar 1,394 zyrtarë të saj. Më shumë se 300 zyrtarë që akuzohen për korrupsion, kanë dalë para drejtësisë, ka njoftuar ai.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHilal ka njoftuar se ministria e Mbrojtjes është duke shqyrtuar mbi 1,800 pretendime për raste korruptive, në strukturat e mbrojtjes së vendit, duke shtuar se 170 raste tashmë u janë referuar agjencive për sundimin e ligjit. Këto raste përfshijë dyshime për abuzim me pushtetin dhe shitje të paligjshme të armëve.
Deklaratat e sotme vijnë vetëm një ditë pasi ministrja e Mbrojtjes njoftoi se një gjeneral afgan është arrestuar nën dyshimin për korrupsion dhe keqpërdorim të pozitës zyrtare.
Sipas organizatës Transparency International, në Indeksin e Perceptimit të Korrupsionit më 2016, Afganistani u rendit në vendin e 169 nga 176 shtete.