Të shtëna në një sinagogë në SHBA, raportohet për viktima Foto: Reuters

11 viktima nga sulmi në një sinagogë në Pittsburgh

27 tetor 2018 17:18
22:37

Nga sulmi i sotëm në Pittsburgh, Pennsylvania të SHBA-së kanë mbetur të vdekur 11 persona, raporton Reuters.

Një person i armatosur ka hyrë sot në një sinagogë në Pittsburgh dhe ka hapur zjarr, transmeton Koha.net.

Sipas një zyrtari në Pittsburgh asnjë nga viktimat nuk është fëmijë.

Agjenti i FBI-së, Bob Jones ka konfirmuar se sulmuesi në sinagogë ka përdorur një pushkë dhe 3 pistoleta.

E sipas tij sulmuesi ishte i vetëm në këtë rast.

Sipas këtyre raporteve thuhet se i dyshuari është aktualisht në spital me disa plagë të marra.

17:18

Të shtëna në një sinagogë në SHBA, raportohet për viktima

Një person i armatosur ka hyrë në një sinagogë në Pittsburgh, Pennsylvania të SHBA-së dhe ka hapur zjarr duke shkaktuar disa viktima, ka raportuar Policia.

Shërbimet emergjente kanë mbërritur në sinagogën “Tree of Life Congregation” rreth orës 10:00, me kohë lokale, shkruan BBC.

Një zëdhënës i departamentit të policisë së Pitsburgut ka konfirmuar se ka viktima të shumta, transmeton Koha.net.

“Ka viktima të shumëfishta, është e domosdoshme që njerëzit të qëndrojnë në shtëpitë e tyre”, ka thënë Jason Lando, zëdhënës i Policisë.

Sipas radios së Policia sulmuesi është dorëzuar.

Policia përmes një postimi në Twitter ka kërkuar që njerëzit të shmangin atë zonë.

Pamjet e publikuara në rrjetet sociale tregojnë për një prezencë të shtuar të Policisë.

Komentet

Shto koment

Të ngjashme