Të paktën 11 njerëz kanë mbetur të vdekur, pasi disa persona kanë gjuajtur me armë zjarri në një hotel në qytetin meksikan, Celaya, njoftoi BBC-ja të martën.
Sipas raporteve fillestare, dhjetëra persona të tjerë kanë mbetur të plagosur.
Dëshmitarët kanë deklaruar se një grup prej 15 burrash të armatosur hynë në hotel në orën 22:00 sipas orës lokale, duke qëlluar dhe hedhur bomba me benzinë përpara se të sulmonin të paktën dy bare aty pranë.
Forcat e sigurisë dolën në vendngjarje, por ende nuk kanë dhënë një deklaratë se kush mund të qëndrojë pas të shtënave.
Qyteti i Celaya ka parë një rritje të dhunës me një kartel kriminal që e quan veten Santa Rosa de Lima, i përfshirë në një grindje vdekjeprurëse me rivalin e tij, kartelin e Gjeneratës së Re Jalisco.
Karteli Santa Rosa angazhohet kryesisht në zhvatje dhe vjedhje karburanti. Ish-udhëheqësi i tij, José Yepez, u dënua me 60 vjet burg në fillim të këtij viti.
-
Të paktën 10 të vdekur nga një sulm i armatosur në Meksikë
-
Të paktën 11 të vrarë nga një sulm i armatosur në Meksikë
-
Të paktën 3 të vdekur dhe 14 të plagosur nga të shtënat në New Mexico
-
Gjashtë emigrantë të vdekur në Meksikë pasi ushtria gjuajti në drejtim të tyre
-
Luftimet e karteleve të drogës në jug të Meksikës, të paktën 11 të vdekur