11 imigrantë, në mesin e tyre tetë fëmijë, janë mbytur kur anija e tyre u fundos në perëndim të bregdetit të Turqisë.
Ekipet kanë shpëtuar tetë persona nga anija që u fundos në Cesme të Detit Egje. Turqia, për vite me radhë, ka shërbyer si rrugë transite për imigrantët që kanë synuar Evropën, transmeton KTV. Cesme është vetëm 15 kilometra larg qytetit Chios në Greqi.
Në këtë qytet janë të strehuar mijëra imigrantë që jetojnë në kushte të rënda. E numri i atyre që kalojnë në Evropë përmes Turqisë është rritur ndjeshëm gjatë muajve të fundit. Shumica e këtyre imigrantëve janë nga Afganistani, Pakistani dhe Siria.
Vetëm gjatë vitit 2019, autoritetet turke kanë kapur 60 mijë persona duke tentuar të kalojnë Detin Mesdhe. Turqia është shtëpi e katër milionë refugjatëve, 3.6 milionë prej tyre janë nga Siria.
-
Përmbytet varka me emigrantë në Egje, të paktën pesë të vdekur
-
Në brigjet e Mesdheut brenda 24 orëve mbyten 26 emigrantë
-
Të paktën 18 migrantë të vdekur nga fundosja e një varke në Detin Mesdhe
-
Pesë të vdekur në Turqi pasi varka me emigrantë u përplas me një anije të rojës bregdetare
-
Shtatë emigrantë të vdekur pasi varka përplaset në shkëmbinj afër Turqisë