Trepça ka regjistruar tjetër fitore të madhe në “FIBA Europe Cup”, dhe të katërtën rresht përfshirë edhe duelet e Superligës së Kosovës në basketboll.
Para tifozëve të vet të zjarrtë në palestrën “Minatori” në Mitrovicë të mërkurën mbrëma, Trepça e mposhti klubin çek Opava, me rezultatin 89:80.
Sfida ishte dramatike dhe u vendos në fund. Ishte ballafaqimi i tretë i Grupit A, i garës së nivelit të dytë nga ato që i organizon FIBA.
Simon Pursl i mysafirëve shënoi 2 minuta pa u mbyllur ndeshja për 80:79 në të mirë të mysafirëve.
Trepça u kthye më pas me seri 8:0 dhe nuk lejoi befasi për fitoren e dytë në grup, pas asaj në udhëtim te Spliti kroat.
James Graham e nisi serinë me tre pikëshin e shënuar 1 minutë e 25 sekonda pa u mbyllur ndeshja. Më pas shëunan edhe JaCori Payne e Andreë Thelëell. Mikaile Tmushiq e mbylli ballafaqimin me ngulitje të jashtëzakonshme dhe Trepçës i takoi fitorja me nëntë pikë dallim.
Trepça e fitoi çerekun e parë 17:16, ndërsa të dytin Opava 23:21.
Edhe
Trepça e pret Opavan çeke, Bashkimi luan në Estoni
Dy periudhat e fundit, mitrovicasit i fituan me rezultatin 27:22 dhe 24:19, për fitoren e rëndësishme.
Shaën Jones i kishte statistikat më të mira në fitore te skuadra e udhëhequr nga trajneri Adis Beqiragiq. Jones i pati 19 pikë, ndërsa i shtoi edhe 10 kërcime e tri asistime. JaCori Payne i shënoi 19 pikë dhe kontribuoi me tri kërcime e katër asistime. James Graham i shënoi 14 pikë, Drilon Hajrizi 13, ndërsa Andreë Thelëell kontribuoi në fitore me 11 pikë. Jakub Slavik te mysafirët e mbylli ndeshjen me 15 pikë, 11 kërcime e tri asistime.
Trepça tani ka pesë pikë në grup, pas dy fitoreve e një disfate. Opava e ka një fitore e dy humbje.
Menjëherë më 28 tetor, Trepça luan në Tbilisi të Gjeorgjisë ndaj Batumit. Para atij dueli, në kuadër të xhiros së gjashtë të Superligës, Trepça e pret në shtëpi Golden Eagle Yllin.
