Etapa e 13 e Rally Dakar e afron akoma më shumë Mattias Walkner drejt fitores përfundimtare të evenimentit në kategorinë e motorëve.
Në 522 km e kësaj etape e parafundit për edicionin e këtij viti, austriaku u mjaftua me vendin e katërt, për të hipotekuar fitoren e madhe, ndërkohë që ai që triumfoi në etapë ishte australiani Toby Price me 4 orë 48 minuta e 33 sekonda, duke lënë pas në vendin e dytë dhe të tretë Kevin Benavides dhe Antoine Meo. Në klasifikimin e përgjithshëm, Walkner ka krijuar një avantazh prej më shumë se 22 minutash me Benavides të vendit të dytë, ndërkohë që në të tretin gjendet Toby Price.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë kategorinë e makinave, Nasser Al Attiyah fitoi edhe etapën e 13 të Rally Dakar me 5 orë 2 minuta e 22 sekonda i ndjekur në vendin e dytë nga argjentinasi Alvarez me 11 minuta e 16 sekonda më shumë se Al Attiyah, ndërsa vendi i tretë ishte për Giniel De Villiers.
Në klasifikimin e përgjithshëm, Sainz është i sigurt në krye dhe shumë pranë fitores së evenimentit. Spanjolli është i shkëputur me 46 minuta e 18 sekonda nga Al Attiyah në vendin e dytë, ndërsa i treti ndodhet pikërisht De Villiers që e zbriti në të katërtin Peterhansel.