Kompania amerikane Ford ka rikthyer në punë qindra inxhinierë me përvojë, pasi sistemet e inteligjencës artificiale (AI) nuk arritën të përmbushnin standardet e kërkuara në kontrollin e cilësisë.
Në përpjekje për të ulur kostot dhe për të rritur produktivitetin, Fordi kishte integruar AI-n në disa procese të prodhimit, përfshirë edhe kontrollin e cilësisë. Megjithatë, sipas Bloomberg, drejtuesit e kompanisë thanë se gjatë viteve të fundit janë riangazhuar mbi 300 inspektorë veteranë të cilësisë për të kompensuar mangësitë e sistemeve të automatizuara.
“Nxjerrja e përfitimeve nga inteligjenca artificiale është e mundur, por ajo është po aq e mirë sa edhe të dhënat me të cilat trajnohet”, ka thënë zëvendëspresidenti për inxhinierinë e pajisjeve të automjeteve, Charles Poon.
Ai pranoi se kompania nuk i kishte kushtuar vëmendjen e duhur përvojës së inxhinierëve, të cilët kishin kaluar nëpër shumë cikle zhvillimi të produkteve.
Fordi është një nga prodhuesit e shumtë të automjeteve që ka investuar në inteligjencën artificiale, mes pritjeve se teknologjia mund të rrisë efikasitetin dhe fitimet.
-
Pse kompanitë japoneze po ngurrojnë ta përdorin inteligjencën artificiale?
-
Punonjësit përballë epokës së AI-së
-
Jodie Foster: Filmi “F1” duket si i krijuar nga AI-ja
-
Zuckerbergu e pranon se Meta bëri gabime në ristrukturimin e stafit për AI
-
Vaksina e parë në botë e dizajnuar nga inteligjenca artificiale