Sipas mediave britanike, Mercedes-AMG është duke planifikuar që ofertën e saj ta pasurojë me një model i cili do të konkurronte Caymanin e Porsches.
Këtë e ka thënë kreu i kësaj kompanie, Tobias Moers, duke konfirmuar se Mercedes-AMG është duke shtuar edhe një model tjetër për të plotësuar gamën e tyre, transmeton Koha.net.
Meqë edhe më herët është njoftuar se nuk do të ketë modele unike AMG SUV, supozohet se modeli i ri do të jetë një model sportiv më i vogël dhe i përballueshëm i cili do të rivalizojë modelet Cayman dhe Boxter të Porsches.
Tani revista e njohur gjermane “Auto Bild” njofton se modelin e tillë nuk mund ta presim para 2020-ës, ndërsa pritet të vijë me motor me gjashtë cilindra.
Artikuj të ngjashëm