LG e Here bashkëpunojnë për veturat autonome

LG ka njoftuar se ka nisur një bashkëpunim me Here Technologies për të zhvilluar një gjeneratë të teknologjisë për veturat autonome.

Zgjidhja do të jetë kombinim i teknologjisë së LG-së me të dhënat e hartave dhe lokacioneve nga Here.

Kompania ka thënë se kur të përfundohet zhvillimi i kësaj teknologjie, ajo do të luajë rol të madh në zhvillimin e automobilizmit në të ardhmen.

Në të do të përdoren kamerat, radarët dhe informatat tjera nga rruga përmes lidhjeve veturë-veturë për të ndihmuar vetëvozitjen.

Here është aplikacion i hartave që dikur ishte pjesë e Nokias. Në vitin 2015 ajo u ble nga një konsorcium i kompanive automobilistike, përfshirë Audin, BMW-në de Daimlerin.