Është ora e pikut e mëngjesit në stacionin e metrosë Nawada në kryeqytetin e Indisë, dhe dhjetëra karroca elektrike po përpiqen të kalojnë nëpër portën e ngushtë në parking.
Pasi të jenë futur brenda, secila ndalet me qëllim që katër ose pesë pasagjerët e saj të zbresin para se të depërtojë përsëri për të marrë më shumë pasagjerë.
Më shumë se gjysma e taksive tre-rrotëshe janë teknikisht të paligjshme, ndërsa shoferët zakonisht nuk kanë licenca. Aksidentet janë të zakonshme, transmeton Koha Ditore shkrimin e NYT.
Pothuajse të gjitha karrocat punojnë me bateri acid-plumb nën ulëset e pasagjerëve. Dhe energjia elektrike e përdorur për t'i rimbushur ato shpesh vidhet.
"Nuk është aspak e sigurt," tha Suman Deep Kaur, e cila punon në një agjenci krediti dhe udhëton me një e-karrocë dy herë në ditë midis stacionit dhe shtëpisë së saj. "Por ky është transporti i vetëm që do të më çojë në shtëpi."
Mirësevini në vijën e parë të revolucionit të automjeteve elektrike në Indi. Është e çrregullt, e improvizuar dhe e nxitur nga njerëzit. Qeveria dhe prodhuesit e automjeteve tani po përpiqen të fitojnë kontroll mbi të.
Miliona e-karrocat e Indisë e përbëjnë koleksionin e dytë më të madh të automjeteve elektrike në botë. Vetëm flota e Kinës prej disa qindra milionë motoçikletash dhe biçikletash elektrike është më e madhe.
Rreth 60 milionë indianë hipin çdo ditë në e-karroca, vlerësojnë analistët. Pasagjerët i paguajnë rreth 10 rupi, ose 14 cent, për një udhëtim...(Më gjerësisht lexoni në Koha Ditore)
