E mërkura pritet të jetë ditë e tensionuar në kompaninë gjermane të veturave, Volkswagen. Në selinë e saj pritet të mbahet takimi me punëtorët ku do të propozohet shkurtimi i vendeve të punës, përfshirë mbylljen e disa fabrikave në Gjermani për të arritur objektiv ambicioz fitimi, shkruan Reuters.
Zyrtari kryesor financiar Arno Antlitz dhe shefi i markës VW, Thomas Schaefer, do të mbajnë fjalime duke detajuar planet e prodhuesit të automjeteve në takimin në Wolfsburg, një qytet i vogël në Gjermaninë veriperëndimore që është bazë e Volkswagenit.
Përfaqësuesja e zgjedhur nga punëtorët, Daniela Cavallo, ka thënë se do të këmbëngulë kundër shkurtimit të vendeve të punës.
Volkswageni synon të mbyllë gjashtë fabrika në Gjermani në përpjekje për të ulur kostot prej 10 miliardë eurosh. Prodhuesi i automjeteve synon marzh fitimi prej 6.5 për qind për markën deri në vitin 2026, nga 2.3 për qind në gjashtë muajt e parë të këtij viti.
Mbyllja e fabrikave ka ardhur si ide pas shitjeve të dobëta të VW-së brenda dhe jashtë Gjermanisë.
-
Volkswagen pritet t’i mbyllë tri fabrika në Gjermani dhe t’i ulë pagat
-
“Volkswagen” njofton shkurtimin e 100 mijë vendeve të punës deri në vitin 2030
-
Volkswageni paralajmëron shkurtimin e mijëra vendeve të punës deri në fund të vitit
-
Volkswageni planifikon ulje drastike të prodhimit
-
Volkswageni do t’i shkurtojë 50 mijë vende pune në Gjermani