Gjiganti suedez i veturave, Volvo, ka zgjeruar ndjeshëm linjën viteve të fundit. Shtimi i modeleve ka shkaktuar konfuzion për shkak të emrave. Megjithatë, tani kompania ka dalë me zgjidhje duke hequr parashtesën “Recharge” nga modelet elektrike dhe hibride.
Si rezultat “XC40 Recharge” dhe “C40 Recharge” tani janë zëvendësuar me emrat “EX40” dhe “EC40.
Dy modelet i bashkohen linjës së Volvos elektrike, që përfshin edhe modelet “EX30”, “EX90 SUV” dhe “EM90”. Në të njëjtën kohë, hibridët “XC60 Recharge”, “S60 Recharge” dhe të tjerët kanë marrë parashtesën “T6” ose “T8”, varësisht nga fuqia që sjell kombinimi.
Zakonisht këta emra përdoreshin në të kaluarën për modelet me benzinë, por Volvoja është në tranzicion për të prodhuar vetëm vetura elektrike deri më 2030.
