Në vitin 2022, shitjet e veturave nga segmenti C në Evropë ranë me 9 për qind, shkruan AutoCar.
Sipas të dhënave, gjatë vitit 2022 janë shitur gjithsej 1.82 milionë vetura. Pak më shumë se gjysma e shitjeve totale, 57 për qind, i referohen modeleve hatchback, shitjet e të cilave ranë me 11 për qind.
Golf është lider, por ka humbur shumë aksione (- 16 për qind) në ndryshim nga Audi A3, modeli i dytë më i popullarizuar.
Francezët ia dolën mjaft mirë me Citroen C4, i cili zuri vendin e 4-të. Rritje u regjistrua nga Peugeot 308 dhe Renault Megane, por shifrat e tyre janë ende shumë të ulëta në krahasim me shitjet e disa viteve më parë.
U shitën 275 mijë sedan, që paraqet një rënie prej 8 për qind.
Modeli relativisht i ri Volkswagen ID.3 pati një rënie prej 24 për qind, Fiat Tipo kaloi përpara Toyota Corolla, ndërsa modelet hatchback të Skodas përjetuan gjithashtu shitje të ulëta. Cupra Born shitet më mirë se SEAT Leon, ndërsa Opel Astra regjistroi rezultate të dobëta shitjesh.
Në segmentin C përfshihen veturat familjare të vogla.
© KOHA. Të gjitha të drejtat janë të rezervuara.
