Gjiganti i veturave, BMW, njoftoi të enjten rritje të fitimit në tremujorin e parë të vitit, e nxitur nga një rivlerësim i aksioneve të prodhuesit gjerman të veturave në sipërmarrjen e saj të përbashkët kineze dhe çmimet e larta, dhe ruajti perspektivën e saj për vitin 2022, pavarësisht çmimeve të paqëndrueshme për mallrat dhe energjinë, shkruan Reuters.
BMW-ja ka thënë se rivlerësimi i aksioneve të saj ekzistuese në sipërmarrjen e saj të përbashkët me Brilliance Auto Group kishte rezultuar në një fitim paraprak prej 7.7 miliardë euro.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë shkurt, BMW-ja ka thënë se do të paguante 3.7 miliardë euro për të marrë kontrollin e shumicës së sipërmarrjes së saj të përbashkët kineze, pasi kishte siguruar licencën e nevojshme nga Pekini.
Duke hequr ndikimin e aksioneve të saj në sipërmarrjen e përbashkët, BMW njoftoi një rritje prej 16.3% në të ardhurat për tremujorin, pavarësisht një rënie prej 6.2% në shitjet e veturave për shkak të çmimeve më të larta.
Industria e automjeteve është goditur nga një sërë problemesh të zinxhirit të furnizimit të lidhura me pandeminë, veçanërisht nga mungesa globale e gjysmëpërçuesve.
Prodhuesit e veturave si BMW-ja janë përqendruar në prodhimin e automjeteve me marzh më të lartë dhe mungesa e furnizimit ka rritur çmimet për veturat e reja dhe të përdorura.
Kompania raportoi një fitim neto prej 10.2 miliardë euro kundrejt 2.8 miliardë eurove një vit më parë. Duke përjashtuar ndikimin e aksioneve, BMW-ja realizoi një fitim operativ prej 3.4 miliardë euro, nga 3 miliardë euro një vit më parë.