Presidenti i Serbisë, Aleksandar Vuçiq ndodhet në Bruksel, ku sipas mediave serbe, e presin takime me zyrtarët e BE-së.
Ai ka theksuar se bisedimet do të zhvillohen rreth tri çështjeve të rëndësishme.
“E para ka të bëjë me të zhdukurit, pastaj të zhvendosurit dhe çështja e tretë është ekonomia”, ka deklaruar presidenti i Serbisë.
Ai ka treguar se ka zhvilluar një takim të mirë me të dërguarin e posaçëm të BE-së për dialogun Kosovë-Serbi, Miroslav Lajçakun si dhe përfaqësuesin e posaçëm amerikan për Ballkanin, Matthew Palmer.
“Kemi folur për të gjitha temat e rëndësishme. Të hënën vazhdon dialogu zyrtar, sot kemi takime të rëndësishme të ekipeve tona dhe besoj se do të ketë rezultate”, ka thënë Vuçiqi.
Edhe
Vuçiqi pret që në ditët në vijim të ftohet në Bruksel
Vuçiq e ka dhënë mendimin e vet rreth asaj se si e sheh BE-ja marrëveshjen e nënshkruar në Washington.
“Bashkimi Evropian padyshim se dëshiron rol të rëndësishëm për veten. Ata po e analizojnë atë që është arritur në Washington dhe besoj se po e shfrytëzojnë një pjesë të saj”, ka thënë presidenti serb.
