Presidenti i Serbisë, Aleksandar Vuçiq, përmes një videoje që ka shpërndarë në llogarinë e tij në Instagram, ka thënë se “serbët i kanë duart e lidhura dhe se duhet të luftojnë”.
E teksa BE-ja, NATO e SHBA-ja po kërkojnë zhbllokimin e rrugëve në veri të vendit që çojnë në pikat kufitare me Serbinë, Jarinjë dhe Bërnjak, si dhe uljen e tensioneve, Vuçiqi ka falënderuar serbët që po i mbajnë të bllokuara ato.
“Faleminderit njerëzve për përkrahjen në këto ditë të vështira, faleminderit popullit tonë në Jarinjë e Bërnjak, Serbia është me ju”, ka thënë Vuçiqi.
Serbët kanë bllokuar rrugët pas vendosjes së masës së reciprocitetit nga Qeveria e Kosovës për targat e veturave nga Serbia që hyjnë në Kosovë, gjë që vetë Serbia e bën për më se 10 vjet.
Artikuj të ngjashëm
-
Vuçiqi kërkon themelimin e Asociacionit, u kërkon serbëve të Kosovës “të mos dorëzohen”
-
Vuçiqi komenton bllokadat në Beograd, përmend edhe Kosovën
-
Vuçiqi i kërkon SHBA-së mbështetje për “sfidat e serbëve në Kosovë”
-
Vuçiq kërkon nga BE-ja veprime konkrete në Kosovë, jo vetëm dënim
-
Vuçiq: Na presin kohë të vështira