Presidenti i Serbisë, Aleksandar Vuçiq, është takuar të martën me ministren e Jashtme të Sllovenisë, Tanja Fajon, me të cilën ka folur edhe për tensionet në veri të Kosovës.
Teksa e ka falënderuar këtë vend për mbështetjen e saj në rrugën evropiane të Serbisë, Vuçiqi e ka vlerësuar Slloveninë si një nga partnerët më të rëndësishëm të Serbisë në tregëti të jashtme dhe në bashkëpunim për investime.
Ai tha se e ka njoftuar Fajonin që Serbia është e interesuar për intensifikim të mëtejshëm të bashkëpunimit ekonomik.
“Jemi veçanërisht të kënaqur që kompanitë serbe janë gjithnjë e më aktive si investitorë në Slloveni. I thashë ministres Fajon se Serbia është e interesuar për intensifikimin e mëtejshëm të bashkëpunimit ekonomik, me theks të veçantë në industritë prodhuese, sektorin e IT-së, bankat dhe sigurimet, si dhe burimet e rinovueshme të energjisë. E njoftova edhe për situatën në Kosovë dhe falënderova Slloveninë për mbështetjen e saj në rrugën evropiane të Serbisë”, ka shkruar ai.
-
Vuçiq për aleancën Kosovë-Shqipëri-Kroaci: Ia doli të na shqetësojë
-
Fajon: Do t’i paralajmëroj aleatët për situatën në Kosovë
-
Vuçiqi i kërkon SHBA-së mbështetje për “sfidat e serbëve në Kosovë”
-
Vuçiq kërkon nga BE-ja veprime konkrete në Kosovë, jo vetëm dënim
-
Vuçiqi kërkon që SHBA-ja ta rrisë angazhimin për ta ruajtur stabilitetin e rajonit