Von Cramon: Situata në veri e tensionuar, duhen gjetur zgjidhje të mençura

Raportuesja për Kosovën në Parlamentin Evropian, Viola von Cramon, në një video të realizuar nga Ura e Ibrit në Mitrovicë ka thënë se situata është e tensionuar.

Ajo ka thënë se ka kaluar një ditë të tërë në veriun e Kosovës dhe i duhet ta pranojë se është situatë shumë e vështirë.

“Më duhet ta pranojë se është situatë e vështirë dhe e tensionuar. Ne kemi parë shumë automjete të armatosura, forca të armatosura dhe unë nuk e di nëse kjo është ide e mirë, në këtë situatë që të hyjnë me forcë kryetarët e zgjedhur në ndërtesat e komunave. Më duhet ta pranojë që edhe nëse dejure jeni zgjedhur kjo ende nuk do të thotë se e keni legjitimitetin të hyni në ndërtesa”, ka thënë ajo.

Ajo tutje ka shtuar se duhen gjetur zgjidhje të mençura dhe të qëndrueshme për të hyrë brenda ndërtesave komunale.