Arianit Koci është një nga më shumë se 40 avokatët kosovarë që ka mësyrë të bëhet pjesë e Regjistrit të mbrojtësve të Gjykatës Speciale. Shumë më shumë ndërkombëtarë ia kanë mësyrë këtij regjistri, shkruan sot Koha Ditore.
Ndonëse thirrja për aplikim është bërë prej muajsh, Regjistri nuk është finalizuar. Kjo për shkak se nëpër “skaner” është duke kaluar e gjithë armata e avokatëve që duan të punojnë në Speciale. Vetingut më të rreptë janë duke iu nënshtruar kosovarët.
Avokati Koci të martën pasdite ka marrë konfirmimin se është akredituar në gjykatën me seli në Hagë, e cila do të trajtojë pretendimet për krime lufte të pjesëtarëve të UÇK-së, të shprehura në raportin e senatorit Dick Marty.
“Kam qenë në dilemë se a duhet të aplikoj apo jo, për shkak të klientëve vendorë. Angazhimi në Hagë kërkon përkushtim dhe kohë. Sidoqoftë, kam vendosur që të aplikoj në momentin kur jam bindur që kolegët në zyrën ku punoj, mund ta mbulojnë mungesën time”, ka thënë Koci.
(Gjerësisht lexoni sot në Koha Ditore)
-
Gani Koci ftohet nga Specialja si dëshmitar
-
Avokatët që duan të punojnë për Specialen duhet të kalojnë edhe një licencim
-
MD-ja me nismë për kategorizim të pagesave për avokatët e të akuzuarve të Hagës
-
Avokatët kërkojnë që prokurorët e gjyqtarët të rivlerësohen nëse s’e kalojnë vettingun
-
Aplikojnë 18 persona për statusin e viktimës për të marrë pjesë në rastin Thaçi e tjerët