-
Nga:
Agim Ademi
- 18 tetor 2021 16:44
- Shpërndaje në:
Prej rreth tre mijë banorë sa ka komuniteti, Rom Ashkali dhe Egjiptian në Komunën e Lipjanit, vetëm 25 për qind e tyre janë imunizuar me vaksina kundër Covid-19.
Kjo ka bërë që zyrtarët në Qendrën e Vaksinimit në Lipjan të kërkojnë nga ky komunitet ta marrin vaksinën me qëllim të mbrojtjes së shëndetit të të gjithëve.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoIzer Sinani, koordinator i Qendrës së Vaksinimit në Lipjan, ka thënë për KOHËN se procesi i vaksinimit po vazhdon duke administruar deri në 250 vaksina gjatë ditës por interesimi i komunitetit Rom, Ashkali dhe Egjiptian është mjaftë i vogël.
”Vetëm rreth 25 për qind e komunitetit Rom Ashkali dhe Egjiptian në Komunën e Lipjanit janë vaksinuar dhe ata kanë kërkuar që me ekipin mobilë të shkojmë nëpër shtëpitë e tyre për t’i vaksinuar”, ka thënë Sinani. Sipas tij, në total deri më tash në Qendrën e Vaksinimit në Lipjan janë administruar rreth 53 mijë vaksina kundër Covid19. “Me dozën e parë janë administruar rreth 30 mijë vaksina, ndërkaq me dy doza rreth 23 mijë vaksina kundër Covid19. Ndërkaq, gjatë muajit të fundit janë imunizuar me vaksina rreth 50 gra shtatzëna dhe 85 gjidhënëse”, ka thënë Sinani.