Vendimi i Kushtetueses për Ligjin për paga ngjall reagime për e kundër grevave

Deri më 30 mars të 2020 është pezulluar zbatimi i Ligjit të ri për Pagat ende pa hyrë mirë në fuqi.

Vendimi për masë të përkohshme është marrë nga Gjykata Kushtetuese e Kosovës, duke miratuar kështu kërkesën e Avokatit të Popullit.

Megjithatë, masa e përkohshme mund të pezullohet në çdo moment pas një vendimi të Kushtetueses.

Pikërisht për shkak të moszbatimit të këtij ligji, të gjitha shkollat, çerdhet, e universitetet e Kosovës, të premten ditën do ta nisin me grevë dy-orëshe.

Ata po kërkojnë që pagat e dhjetorit t’i marrin me rritje, sipas Ligjit të ri.

Edhe Arbëri 13 dhj 2019 Nisin grevat në arsim e shëndetësi

Për të njëjtën arsye grevë për të premten kanë paralajmëruar edhe punëtorët shëndetësorë, por për këta të fundit greva do të jetë për disa orë më e gjatë.

Sipas vendimit të Federatës Sindikale të Shëndetësisë i marrë ditë më parë, greva do të mbahet duke filluar nga ora 07:00 deri në ora 15:00, ndërsa do të trajtohen vetëm rastet emergjente.

Por, nëse këto greva vazhdojnë, shoqëria civile do të thërrasë protestë gjithë popullore.

Rron Gjinovci nga ORCA thotë se këto sindikata të cilat i quan politike, nuk e kanë qëllimin te pagat, por ta destabilizojnë vendin.

Edhe Arbëri 13 dhj 2019 Kushtetuesja pezullon Ligjin për paga, arsimi e shëndetësia kërcënojnë me grevë të përgjithshme

Ligji për paga, i pari i tillë në Kosovë, që rregullon koeficientet e pagesës së punëtorëve në sektorin publik, është miratuar këtë vit, por në fuqi është dashur të hyjë këtë muaj.

Ai u dërgua për interpretim në Gjykatën Kushtetuese nga Avokati i Popullit për shkak të dyshimeve se mund të ketë shkelje kushtetuese në të dhe pabarazi në sektorin publik.