Disa nga pjesëtarët e akuzuar në rastin ndaj Azem Sylës nuk janë paraqitur sot në seancën gjyqësore.
Në seancën e sotme kanë munguar disa prej të akuzuarve ndërsa gjykatësi i rastit ka vendosur që të veçojë procedurën penale.
Veçimi i procedurës është bërë ndaj të akuzuarve Ilaz Sylës, Nuhi Ukës, Hajrullah Berishës dhe Mustafë Halitit, raporton Koha Ditore.
“Meqë mungojnë të akuzuarit Ilaz Syla, Hajrullah Berisha, Nuri Uka si dhe Mustaf Haliti, trupi gjykues merr aktvendim: pezullohet procedura gjyqësore ndaj këtyre te akuzuarve”, deklaroi kryetari i trupit gjykues Beqir Kalludra.
Ndërsa, siç raporton Kallxo.com, gjykatësi Kalludra ka sqaruar se i akuzuari Ilaz Syla është arratisur pasi me vendim të Gjykatës së Apelit ai ishte rikthyer në paraburgim.
Edhe
Mungojnë dy avokatë, shtyhet gjykimi në rastin “Toka”
Gjykimi në rastin e njohur Toka ka vazhduar sot. Avokati Haxhi Millaku, mbrojtës i Ilaz Sylës ka thënë për Kallxo.com se i mbrojturi i tij pritet që së shpejti ti dorëzohet organeve të drejtësisë pasi sipas tij ka pasur një keqkuptim në procedurë në kohën kur vendimi ishte apeluar në gjykatën e Apelit.
Gjykata e Apelit nuk na ka dhënë mundësi të ankohemi në ankesën e prokurorit.
