Vazhdojnë protestat në Tiranë kundër rritjes së çmimeve, mijëra shqiptarë mblidhen

Mijëra shtetas të Shqipërisë po protestojnë të shtunën në Tiranë kundër rritjes së çmimeve që autoritetet fajësojnë luftën në Ukrainë.

Shqiptarët nga i gjithë vendi u mblodhën fillimisht në sheshin kryesor Skënderbej përpara se të marshonin para zyrës së kryeministrit Edi Rama me pankarta dhe slogane antiqeveritare.

Shumë njerëz morën fjalën në ditën e katërt të protestës duke i kërkuar qeverisë të trajtojë një rritje të konsiderueshme të fundit të çmimit të karburantit dhe artikujve të tjerë ushqimorë, raporton AP.

Pasi çmimet e karburanteve u rritën me 50% javën e kaluar, dy ditë më parë, qeveria e Ramës vendosi kontrolle të çmimeve të karburantit dhe u ka kërkuar shqiptarëve që të përdorin më pak makinat e tyre.

Rritja e çmimit të karburantit ka pasur një efekt negativ në kostot e ushqimit në vendin e vogël ballkanik. Protestuesit akuzojnë qeverinë se përfiton nga çmimet e larta duke mos ulur taksat. Ata i kanë kërkuar asaj të imitojë vendet fqinje – të cilat janë goditur gjithashtu nga rritjet e çmimeve globale për shkak të luftës së Rusisë kundër Ukrainës – dhe të ulë taksat e karburantit për të zbutur goditjen ndaj konsumatorëve.