Presidenti Hashim Thaçi i ka dhënë start procedurës për ta pajisur Forcën e Sigurisë (FSK) me mandat ushtrie. E ka bërë këtë të martën, duke e dërguar në Kuvend një projektligj dhe jo amendament kushtetues siç kanë kërkuar ndërkombëtarët, shkruan sot Koha Ditore.
Vetë kreu i shtetit ia ka dorëzuar Projektligjin kryeparlamentarit Kadri Veseli. Ky i fundit ka paralajmëruar se të mërkurën do ta thërrasë Kryesinë e Kuvendit për ta diskutuar nismën e presidentit. Para se të vihet para deputetëve, Projektligji kërkohet t’i kalojë disa procedura në Qeveri, institucion ky që duhet të kalkulojë edhe koston financiare.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Republika e Kosovës, me qëllim të mbrojtjes së sovranitetit dhe integritetit territorial, si dhe ruajtjes së paqes dhe mbrojtjes së interesave shtetërore, duhet të avancojë rolin dhe detyrat e Forcës së Sigurisë të Kosovës”, thuhet në letrën përcjellëse të Projektligjit, të firmosur nga presidenti Thaçi. “Projektligji për FSK-në rregullon misionin, funksionimin dhe detyrat e FSK-së, organizimin e saj dhe çështje të tjera lidhur me aktivitetet dhe kushtet e përgjithshme të shërbimit në FSK”.
(Tekstin e plotësojeni sot në Koha Ditore)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.