Ministri i Punëve të Jashtme të Togos, Robert Dussey, ka thënë se vendi i tij ka tërhequr njohjen e pavarësisë së Kosovës.
Dussey ka folur në një konferencë të përbashkët për media në Beograd me ministrin e Jashtëm të Serbisë, Ivica Daçiq. Dussey është takuar edhe me presidentin e Serbisë, Aleksandar Vuçiq.
“Më vjen mirë që keni përmendur tërheqjen e njohjes së Kosovës, ajo tërheqje është përfundimtare”, tha Dussey, raporton “Tanjug”.
Edhe nga Presidenca e Serbisë është thënë se ministri Dussey ka thënë “se Togo ka qëndrim të prerë për çështjen e mosnjohjes së pavarësisë së Kosovës”.
Togo kishte njohur pavarësinë e Kosovës më 11 korrik të vitit 2014.
Artikuj të ngjashëm
-
Katër vjet pas tërheqjes së njohjes, Togo ende figuron si shtet që e ka njohur pavarësinë
-
Gërvalla konfirmoi çnjohjen, por Togoja s’u fshi nga lista zyrtare e njohjeve
-
Dialogu ngufati njohjet
-
Daçiq: Njohja e Kosovës ndikoi negativisht në raportet Serbi-Izrael
-
Vuçiq: Një tjetër shtet do ta tërheqë njohjen e Kosovës