Të befasuar me qëndrimet e LDK-së janë shprehur në Lëvizjen Vetëvendosje.
Kërkesat e partisë së Isa Mustafës, përfshirë vetë atë që të kërkohet falje për veprimet e kaluara të Vetëvendosjes, sipas kësaj partie janë të pasinqerta, raporton KTV.
Anëtari i kryesisë dhe deputet i VV-së, Sami Kurteshi, ka thënë se ata kanë qenë të fokusuar që në këto bisedime të diskutohet për çështje të përafërta ndërmjet tyre.
Kurteshi ka shtuar se çështja e dosjeve që Komuna ka dërguar në Prokurori për udhëheqjen e Prishtinës, sa atë e drejtonte Isa Mustafa, janë çështje të drejtësisë, në të cilat ata nuk mund të përzihen.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas Vetëvendosjes, me këto deklarata, LDK-ja po dëshmon se nuk është e interesuar për bashkëpunim dhe krijim të institucioneve.
Javën e fundit, zyrtarë të LDK-së, përfshirë kryetarin e saj, kanë dhënë shumë deklarata publike se si Vetëvendosje do të duhej të kërkonte falje për veprimet e saj në kohën e Mustafës kryeministër.
Ky, sipas tyre, do të ishte një kusht fillestar që të mund të niste ndonjë bashkëpunim ndërmjet tyre, në përpjekje për krijimin e shumicës parlamentare në Kuvend.