Thellohet bashkëpunimi Kosovë-Turqi

Gjatë ditës së sotme, Ministri i Infrastrukturës, Pal Lekaj dhe Ministri i Drejtësisë, Abelard Tahiri kanë takuar Ambasadoren e Turqisë të akredituar në Kosovë, Kivilicim Kiliç.

Gjatë këtij takimi njohës, u bisedua për bashkëpunimin e deritashëm mes Kosovës dhe Turqisë dhe për vazhdimin e këtij bashkëpunimi.

Lekaj falënderoi ambasadoren Kiliç për vizitën e saj në Ministrinë e Infrastrukturës, si dhe për projektet që ka realizuar Turqia në Kosovë.

Gjatë këtij takimi Lekaj e njoftoi ambasadoren me projektet të cilat janë duke u zhvilluar në Ministrinë e Infrastrukturës. Ministri Lekaj tha se do të punojmë që të realizojmë projekte me rëndësi për Kosovën dhe qytetarët e saj.

Kiliç vlerësoi se Turqia është e gatshme që të investojë në Kosovë, në projektet të cilat do të jenë në interesin e shtetit të Kosovës.

“Ne dëshirojmë të shohim Kosovën si një vend i cili ka arritur zhvillimin ekonomik”, tha Kiliç.

Edhe Arbëri 3 muaj më parë Osmani e ambasadori turk flasin për ushtrinë e futbollin

fund të këtij takimi u vendos që të thellohet edhe më tutje bashkëpunimi në mes të Kosovës dhe Turqisë, në të gjitha fushat e veçanërisht ekonomi. ​

Ndërkaq Ministri i Drejtësisë, Abelard Tahiri, gjatë takimit njoftoi Ambasadoren Kiliç me prioritetet dhe hapat të cilat do të ndërmerr si Ministër i Drejtësisë gjatë mandatit të tij.

Në fund të takimit të dyja palët u pajtuan për zgjerim të bashkëpunimit edhe në të ardhmen.