Tensione në Kuvendin Komunal të Podujevës

Lidhja Demokratike e Kosovës e ka pamundësuar vazhdimin e seancës së Kuvendit Komunal të Podujevës, të hënën, pasi partitë në pushtet nuk kanë votuar që rendit të ditës t'i shtohet edhe “Trajtimi i mosrealizimit të pagesës së një pjese të kuvendarëve, gjegjësisht udhëheqja e seancave nga Kryesuesi i Kuvendit”.

Pasi kanë dështuar të marrin votat e nevojshme, këshilltarët e LDK-së kanë dalë në foltore të gjithë, duke e pamundësuar vazhdimin e seancës.

Pas kësaj situate, shefi i Grupit të këshilltarëve të VV-së ka propozuar që të shkohet në pauzë për 15 minuta, mirëpo më pas u vendos që seanca të shtyhet për të enjten.