Ka vazhduar edhe sot protesta para hyrjes së objektit të menaxhmentit të Trepçës në Mitrovicë, e atyre konkurrentëve që u refuzuan gjatë procesit të fundit të punësimit në këtë ndërmarrje.
Ata përmendën sërish fakte për parregullsitë gjatë procesit të pranimit, ndërsa u shprehën të zhgënjyer me përfaqësuesit e institucioneve përkatëse, për të cilat thanë se nuk po merren seriozisht me problemin e tyre.
Arsim Musa nga Këshilli organizativ protestues, ka bërë të ditur se të gjitha parregullsitë janë verifikuar dhe dërguar tek organet përkatëse.
Ai shtoi se protestat nuk do të ndalen deri në evidentimin e këtyre padrejtësive.
Protesta po zhvillohet e qetë, ndërsa pjesëtarë të policisë janë duke vëzhguar situatën nga afër gjatë gjithë kohës. /KsP.
Artikuj të ngjashëm
-
Të pakënaqurit me punësimet në Trepçë ngrenë tendë para minierës
-
Tani protestojnë të pranuarit në Trepçë kundër anulimit të konkursit
-
Vazhdojnë protestat kundër punësimeve në Trepçë, pavarësisht anulimit të pjesshëm të konkursit
-
Paralajmërohet eskalim i protestave në Stantërg për padrejtësitë e punësimeve në Trepçë
-
Protestuesit me ultimatum për menaxhmentin e Trepçës