Shefi i UNMIK-ut Zahir Tanin, ka deklaruar sot se Strategjia e re e zgjerimit të Bashkimit Europian ka dëshmuar se dialogut dhe normalizimi i marrëdhënieve të Beogradit e Prishtinës janë parakusht për aspirimin e Kosovës për t’u bërë anëtar e BE-ë, transmeton Koha.net.
Tanin, i cili me video link nga Prishtina u lidh me mbledhjen e Këshillit të Sigurimit të KB-së, ka vlerësuar se në Prishtinë ka mendime të ndryshme për Strategjinë porse shumica liderëve e kanë theksuar rëndësinë e saj.
Ai ka tërhequr vërejtjen pse nuk ka pasur zhvillim dialogu tash e një vit ndërmjet Beogradit e Prishtinës.
Tanin, siç përcjell FoNet, ka thënë se nuk janë zbatuar disa marrëveshje dhe këtu ai e ka përmendur Asociacionin e Komunave serbe.
Ai nuk është pajtuar me përpjekjen për shfuqizimin Speciales, formimin saj në vitin 2015 e ka quajtur arritje të madhe të Kosovës dhe ka kërkuar që Kosova t’i respektojë marrëveshjet ndërkombëtare .
Në fund Tanin e ka dënuar vrasjen e Oliver Ivanoviqit, ka thirrur për ruajtje të paqes dhe ka kërkuar të verifikohet identiteti i vrasësve të tij.
-
BE: Integrimi i Kosovës dhe Serbisë, i kushtëzuar nga angazhimi në normalizimin e marrëdhënieve
-
Përfaqësuesi i UNMIK-ut thirrje Kosovës e Serbisë: Shmangni masat që mund të gërryejnë mirëbesimin
-
Kosova kërkon izolimin ndërkombëtar të Serbisë
-
Serwer: Vështirë të ketë përparim në dialog nëse mungon vullneti politik nga Serbia
-
BE-ja kërkon stabilitet institucional për avancimin e Kosovës